Yestete dei 1 blong kaontem ol vot blong 2024 nasonal referandom, tim blong elektoral ofis i stat wok long 9 klok long moning mo oli finis kaontem ol vot long 11 klok long naet olsem, mo oli kaontem blong Port Vila konstituensi nomo from i kat wan bikfala namba blong ol vota.
Tim i stat long moning oli seraot ol pepa long ol envelop fastaem mo oli putum tufala kala tugeta afta oli jes kaontem namba blong ol krin pepa we blong 17A mo 17B mo ol red pepa blong 17A mo 17B wetem ol nogud vot o void votes.
Part 1
Part 2
Part 3
Long laef video tete i soem wan kompetetif namba long saed blong krin mo red pepa mo prinisipol elektoral ofisa i talemaot se hemi wan gudfala turnout long ol man we i vot long Port Vila nomo be VEO i no save givim ol namba yet.
Yumi stap ekspektem risal blong i kamaot long nekis wik nomo afta we elektoral komisin hemi apruvum evri samting.
Tete bae tim stat kaontem ol vot blong ol poling stesen long Efate konstituensi bakeken.
