Long Tusde lo wik ya ofis blong VCC i mit wetem komunikesen tim blong 2024 Referandom blong harem ol eksplenesen blong ol amenmen 17A mo 17B.
Jeaman blong VCC, Pasta Collin Keleb hemi se, “Yumi stap ko tru wan impoten taem lo nesen ya we yumi vot blo impaktem konstitusen blo nesen ya. Mi stap stanap olsem jeaman blong Vanuatu Kristin Kaonsel blong talem lo evri kristin man mo woman we i stap long 18 yia i ko antap,mi stap enkarejem yu ko lo ples kolosap long yu blong kastem vot blong yu blong yumi mekem wan jenis long nesen blong yumi.”
Jeaman i enkarejem ol evriwan blo ko vot wetem wan klia tingting.
Pasta Collin i talem se plante konsaltesen mo awenes i ko out finis blong mekem ol infomesen i klia.
