Rural Development Party (RDP) hemi mekem ol jenis long konstityusen blong hem folem tingting blong amendem mama loa blong putum 17A mo 17B.
Niufala jenis long konstityusen blong pati i tokbaot fasin blong karemaot wan MP long jea blong hemi no wan disisen we pati presiden bae i mekem be i kat wan Disciplinary mo Arbitration Council (DAC) we tru long olgeta nao bae oli mekem disisen ia.
Wan narafala jenis we oli mekem long konstityusen blong pati hemi presiden blong pati bae i wok long 1 term nomo afta bae hemi no save karem presiden long namba tu term we hemi gud from bae i givim janis long evri konstiuensi long Vanuatu i save karem posisen olsem presiden blong RDP.
RDP i kat 8 memba blong palemen wetem 19 kaonsela long Vanuatu
