Former Prime Minister mo semtaem, jeaman blong Eminen Advaesori Grup blong referendum, Mr Joe Natuman i bin talem toktok ya long ol jif blong Tanna long Port Vila long Raon Haus, Freswota.
Mr Natuman i bin joenem MP Xavier Harry, Minister Nako Natuman, kavman Buisness MP, Jotham Napat, Minister Raso Johnny Koanapo wetem MP Simil Johnson blong staon mo storian wetem ol jif blo Tanna ya, afta we oli luk se sam lida blong Tanna i ko stap mekem ol kiaman toktok mo tu i kat fulap infomesen we ino stret i stap pass raon.
“Samting ya referendum i kam blong askem yufala nomo se yufala agri blong mekem jenis long konstitusen o nokat”. Hemi kohet blong talem se sapos we konstitusen i jenis be yumi luk se ino stret yet, bae yumi save pass long semak rod bakeken blong jenisim.
Meeting ya tu i kam aot afta sam pablik threat we sam komuniti memba i mekem.
Ova long 100 jif mo memba blong komuniti i bin kam blo lesin lo time ya
