Deputi Prime Minister, Honorobol Matai Seremiah wetem delegesen blo kavman, oli bin kasem Motueka lo South Island lo New Zealand lo 6pm lo evening yestete blo givim awenes toktok long saet blong referandom. Samples 450-man mo woman sisonal woka oli bin Kam blo lisen long ol toktok mo tu oli kat janis blo oli klia gud lo stampa tingting blong referendum. I bin gat ol gudfala kwestin we oli bin askem lo delegesen. Tim blo referandom aotrij lo NZ bae oli kontinu blo givim aot ol awareness toktok ova lo nekis 6 dei. Motueka hemi Kat wan long ol 5 polling stesen long New Zeland we bae oli setemap blo ol sitisen blo Vanuatu bae oli save ko lo em, lo dei blo vot long 29th May 2024.
