Ol aweanes blong 2024 referandom i stap gohed long aelan blong Malo long wik ia.
Tim blong kampen we i stap mekem ol aweanes ia oli stat long not is saed blong Malo long Avunati kasem Nandiutu skul mo oli stap muv i kam daon long saot mo saot is saed blong Malo aelan.
Aweanes ia hemi tru long memba blong palemen blong Aore/Malo konstityuensi, Hon. Wesly Rasu.
Hemia wan infokrafik we i soem tingting blong ol pipol afta long wan aweanes mo aelan mo komiuniti we i laekem blong vot YES long 29 mei hemi Anetyum, Ambae, Efate long Mele vilij, Malekula aelan, Nguna, Paama, Pele, Pentecost, Santo mo Tanna aelan.
Aore/Malo hemi wan konstityuensi we i kat 5,134 vota long 2022 nasonal eleksen mo long aelan blong Malo nomo i kat bitim 170 vilij mo i kat 17 ples we bae oli mekem aweanes long hem.
Yu save kasem moa infomesen long referandom spos yu daonlodem App blong mifala.
