Sip ia HELPR-1 i stap givhan long kavman bikwan blong karem ol balot bokis mo tim blong Vanuatu elektoral ofis blong mekem se evriwan i save vot long 2024 nasonal referandom ia.
Long wik ia olgeta i kasem las aelan antap long not blong Vanuatu olsem Hiu aelan we i stap klosap long solwota blong Solomon aelan.
Dokta Basil we i wok long Medical sip ia i tokbaot wokbaot blong olgeta mo wok blong olgeta blong sapotem VEO mo kavman blong karem ol balot bokis 2024 nasonal referandom i kasem Hiu aelan we hemi las aelan long not blong Vanuatu.
Bae HELPR-1 i kasem bak Port Vila tumoro moning afta we ol raf solwota i mekem sip i stap muv sloslo wetem ol balot bokis i kam bak.
