“Kantri blong yumi emi rij wetem ol Human mo Najoral Risos. I kat wan toktok we i talem se ‘Ino nid blo lukluk i ko longwe, be lukluk raonem yu nomo’, we i min se yumi no nid blo stap dipen tumas be yumi save stanap yumi wan.”
Vincent Boulekon i mekem toktok ya lo Vanuatu Daily Post, issue blong May 25 (BOULEKON: DON’T ACCEPT MONEY IN EXCHANGE FOR INTERGRITY | News | dailypost.vu) i ko long Praem Minista blong Vanuatu, Joe Natuman, taem kantri i stap redi blong bildim niufala intanasonal eapot long Pekoa long 2014.
Referandom ya i wan taem we yumi ol Ni-Vanuatu i kam stanap olsem ol ona blong kantri ya blo mekem wan disisen long wan jenis long konstitusen blong yumi.
Yumi luk hao ol animeta, song raeta, artis, vidiografa, teknikel man mo woman, tredisinel midia, sosel midia, kavman netwok, jioj netwok, netwok blong ol jif, loya, analist, politisen sivil sosaeti, olketa we i liv wetem disabiliti mo fulap moa man Vanuatu lo Vanuatu mo ovasi, i putum han tuketa blong yumi wokbaot mo tokbaot fes eva referandom blong yumi ya.
