Tamedal Masing emi wan VKS fil woka we i wok wetem jif mo komuniti mo i stap long kaonsel blong vilij blong hem long Mae, North Malekula.
Mr Masingi talem se, “ol infomesen blong refererandom i klia nomo long mifala long komuniti blong mi. Men samting emi yu we yu andastanem yu mas spendem taem blong eksplenem long pipol, ino blong stap komplen o konfiusum olketa”.
Mr Masing i kam talem toktok ya from emi se i kat few nomo i stap traem blong konfiusum ol man be lo eria blong hem lo Malekula evriman i kasem gud ol mesej we i stap kamaot.
Emi se minista Koanapo i bin pas, ale MP Sato Kilman i pass, afta ol ofisa blo elektrol ofis tu i pas mekem se infomesen i pas gud olbaot.
Mr Masing mo ova long 40 VKS fil woka mo jif raonem Vanuatu oli kam long wan woksop blong tradisonal lidasip long Vanuatu Kaljoral Senta mo oli stap ko bak eli nekis wik.
