Elektrol ofis i wantem letem pablik i save se sapos yu no rejista nasonal ID blong yu yet, be bae yu tu yu save vot long 29 May.
Sapos yu kat stret ID blong yu we yu no bin manej blong rejisterem bifo long 16 April, long 29 May bae yu tu yu save vot. Karem nasonal ID blong yu i ko long polling stesen afta bae oli jekem sapos i stap lo roll o nokat. Sapos i nokat bae oli tekem ol infomesen blong yu afta bae yu save vot.
Tingting ya i blong kivhan blong everi woman mo man Vanuatu we i bitim 18 yia i save vot long referandom ya.
