Civil Registration mo Identification Management together wetem voters registration team blong Electoral Office bambae oli stap long faev wards long Port Vila tomoro blong mekem National ID Card for Free.
Registration hemi free nomo, mo apil I stap go long olgeta we nokat ID cards yet blong kam forward mo mekem ID blong you mo semtaem jekem mo updatem polling station blong you we u stap vote long hem.
Team bambae hemi stap long ol ples ia start long Thursday 11th April kasem Friday 12th April.
Ol Venu we bambae team I stap long hem hemi:
- Agriculture Tagabe we bambae oli mekem registration long ol resident we oli liv long Bladiniere, blacksand mo Switi.
- Cooperative Federation we bambae hemi tekem Agathis mo Holen
- EX FOL we bambae I tekem Fresh Water 1 kasem 6 mo Anaburu
- Ministry blong Health bambae oli registerem C side mo Colardo
- Ministry blong Internal Affairs/ Central Ward
- Pablik Works/ Number 2 mo number 3 areas
Tingting ia hemi pat blong preparation blong Nasonal Referedum we bae tekem ples long 29 May 2024.
Kavman hemi stap kol blong evri eligible vota we oli 18 yia o moa blong oli mas exercisem democratic right weh oli kat long Nasonal referedum weh stap kam.
Hemi enkarejem ol vota blong tekem advantage long opportunity ia blong save kat wan nasonal ID kad.
